爸爸凑仔得到幸福感 妈妈凑仔只得到压力

香港地，好多人依然觉得凑仔係女人职责，其实去到2019年，有时爸爸妈妈嘅分工都未必咁清楚，好多时候爸爸都用好多时间凑仔。不过原来男女凑仔，大家嘅感觉都有好大分别，爸爸凑仔好多时得到係幸福感；妈妈凑仔，就压力爆煲！

加州大学一项研究，根据18,000多位家长进行分析，发现爸爸凑仔，好多时感受到係幸福，佢哋比同龄无子女嘅男性，忧郁症状少好多；好多时候係因为爸爸凑仔通常係陪小朋友玩，而且男性係比较喜欢同有血缘关係嘅人物接触，所以幸福感有所提升；相反，妈妈凑仔通常要处理好多小事，例如换片、餵食等，反而同小朋友玩嘅机会係会少啲，换嚟就係压力大增，比幸福感更高。专家就建议，父母双方都应该轮流分担照顾小朋友嘅唔同工作，因为往往爸爸都係拣一啲开心嘅事，例如带子女出去玩、同小朋友做运动、行街；相反妈妈就只有Hardcore工作，唔单止令妈妈压力增，同时係撕裂紧夫妻间嘅关係，两人可能会因係凑小朋友嘅工作产生争执，妈妈可能会觉得唔公平；所以话，爸爸呢啲幸福感，其实係建筑于妈妈嘅压力之上呢！